Կիպրական ավիաընկերության աշխատակիցները ցույցի են դուրս եկել

Կիպրական Cyprus Airways ավիաընկերության ծառայողներն այսօր ցույց են կազմակերպել երկրի նախագահի նստավայրի առջեւ: Նրանք նախ հավաքվել են ավիաընկերության գրասենյակի մոտ, ապա երթով հասել նախագահի նստավայր` իշխանություններից պահանջելով թույլ չտալ, որ ազգային ավիափոխադրողը սնանկանա:

Ոստիկանության ուժեղացված ջուկատները հազիվ են պահում մարդկանց: Դեպի նախագահական տանող բոլոր ճանապարհները փակ են. տեղեկացնում է ИТАР-ТАСС-ը:

Ցուցարարները դիմում են ընդունել` ուղղված Կիպրոսի նախագահին, որում խնդրում են անհապաղ քայլեր ձեռնարկել, որպեսզի ավիաընկերությունը շարունակի գործել:

Այսօր Կիպրոսի կառավարությունը քննարկելու է ֆինանսական մեծ խնդիրներ ունեցող ավիաընկերության փրկության բոլոր հնարավոր տարբերակները: Ֆինանսների նախարարը համարում է, որ նույնիսկ աշխատակիցների մեծ մասի կրճատումը եւ ավիապարկի նվազեցումը չի փրկի սնանկացումից: Սակայն կառավարությունը չի կարող ֆինանսապես օգնել ավիաընկերությանը Եվրահանձնաժողովի դիրքորոշման պատճառով, որը դեմ է ԵՄ օրենքները խախտող դոտացիաներին:

Փորձագետների կարծիքով` միակ փրկությունը հեռանկարային գնորդների հետ պայմանագիր կնքելն է: