29 03 2024
|
||
---|---|---|
EUR | ⚊ | 424.11 |
GBP | ⚊ | 496.04 |
GEL | ⚊ | 145.99 |
RUB | ⚊ | 4.26 |
USD | ⚊ | 393.28 |
Կազմակերպութեամբ ՀՅԴ Լիբանանի Կեդրոնական կոմիտէի ՋԱՀ (Ջաւախք-Արցախ-Հայաստան) յանձնախումբին, երկուշաբթի, 20 եւ չորեքշաբթի 22 փետրուարին, Ազգային Եղիշէ Մանուկեան քոլէճին եւ Մ. եւ Հայկ Արսլանեան ճեմարանին մէջ ընթացք առաւ «Արցախի կոթողները» խորագիրով շրջուն ցուցահանդէսը, որ պիտի այցելէ Լիբանանի տարբեր հայկական վարժարաններ:
Ցուցահանդէսին նպատակն է հայ աշակերտութեան ներկայացնել Ազրպէյճանի կողմէ Արցախի բռնագրաւուած տարբեր շրջաններուն մէջ գտնուող յուշարձանները, եկեղեցիները, կառոյցները:
Նկարները կը պատկանին հանրածանօթ մտաւորական եւ յուշարձանագէտ Սամուէլ Կարապետեանին:
Առաջին հերթին ներկայացուեցաւ Արցախի ներկայ շրջափակումին մասին զեկուցում, որ Եղիշէ Մանուկեան քոլէճին մէջ ներկայացուց «Ազդակ» օրաթերթի լիբանանեան լուրերու խմբագիր Արշօ Պալեան, իսկ Ճեմարանի մէջ Համազգայինի Կեդրոնական վարչութեան ատենապետ Զաքար Քէշիշեան: Ապա ցուցադրուեցաւ տեսերիզ մը, որուն մէջ «Artsakh Monuments» կազմակերպութեան ներկայացուցիչ Արմինէ Հայրապետեան անդրադարձաւ Արցախի պատմամշակութային ժառանգութեան: