կարևոր
4105 դիտում, 1 տարի առաջ - 2023-02-21 12:51
Հասարակություն

Լույս է տեսել «Հայկական հարցն ու Հայոց ցեղասպանության խնդիրը թուրք բարձրաստիճան քաղաքական եւ ռազմական գործիչների հուշերում (XIX դարի վերջ- XX դարի կեսեր) գիրքը

Լույս է տեսել «Հայկական հարցն ու Հայոց ցեղասպանության խնդիրը թուրք բարձրաստիճան քաղաքական եւ ռազմական գործիչների հուշերում (XIX դարի վերջ- XX դարի կեսեր) գիրքը

ԵՊՀ արևելագիտության ֆակուլտետի գիտական խորհրդի երաշխավորությամբ և թուրքագետ, պատմական գիտությունների դոկտոր, պրոֆեսոր, ԵՊՀ արևելագիտության ֆակուլտետի դեկան Ռուբեն Մելքոնյանի և թուրքագետ, բանասիրական գիտությունների թեկնածու Նաիրա Պողոսյանի համահեղինակությամբ լույս է ընծայվել «Հայկական հարցն ու Հայոց ցեղասպանության խնդիրը թուրք բարձրաստիճան քաղաքական եւ ռազմական գործիչների հուշերում (XIX դարի վերջ- XX դարի կեսեր) աշխատությունը (ԵՊՀ հրատարակչություն, Երևան, 2022 թ․, 111 էջ)։

Այդ մասին հայտնում է Akunq.net-ը։

Գրքում ներկայացված են Օսմանյան կայսրության և Թուրքիայի Հանրապետության քաղաքական, ռազմական կյանքում XIX դարի վերջից մինչև XX դարի կեսերը ակտիվ դերակատարում ունեցած գործիչների այն հուշերը, որոնք վերաբերում են Հայոց ցեղասպանությանն ու Հայկական հարցին: Գրքի հեղինակների կողմից այդ հուշերը վերլուծության են ենթարկվել պատմական իրադարձությունների ու իրավիճակի համապատկերում, ընդգծվել են դրանցում առկա ռասիստական, ցեղասպան մտածողության ցայտուն դրսևորումները: Գիրքը հասցեագրված է արևելագետներին, պատմաբաններին, քաղաքագետներին ու ընթերցող լայն շրջանակին:

Ուսումնասիրության էլեկտրոնային տարբերակը հասանելի է ԵՊՀ կայքէջում՝ http://publishing.ysu.am/files/Melkonyan_Poghosyan.pdf ։

Akunq.net