Թուրքիայում լույս է տեսել Հուրիյե Շահինի «Համշեներենի քերականություն» գիրքը

Թուրքիայում հրատարակվել է համշենահայ մտավորական, մի շարք գրքերի հեղինակ Հուրիյե Շահինի «Համշեներենի քերականություն (ընդլայնված, թուրքերեն մեկնաբանություններով)» գիրքը։

Այդ մասին Akunq.net-ը տեղեկանում է հեղինակի ֆեյսբուքյան էջից։

Հուրիյե Շահինի խոսքով՝ «Համշեներենի քերականությունը» նրա երրորդ աշխատությունն է։ Հեղինակը գիտական ուսումնասիրություն կատարելուց առաջ հայոց լեզվի դասընթացի է մասնակցել և ընդունվել Անկարայի համալսարանի Թուրքերեն լեզվի և գրականության ֆակուլտետը։

Շահինն իր էջում շնորհակալություն է հայտնում գրքի հրատարակման գործում իրեն աջակցած անձանց, մասնավորապես՝ գիրքը հրատարակության պատրաստած Ալի Էմրենին, Հաջեթթեփե համալսարանի դասախոսներից դոկտոր, դոցենտ Օքան Ալային և համշենահայ մտավորական Յուսուֆ Վայիչին։

Մելինե Անումյան

Akunq.net