կարևոր
2692 դիտում, 1 տարի առաջ - 2023-01-11 09:24
Աշխարհ

Ուկրաինայի վարչապետը հայտարարել է, որ երկիրը հույս ունի 2023-ին 17 մլրդ դոլար ստանալ վերականգնման համար

Ուկրաինայի վարչապետը հայտարարել է, որ երկիրը հույս ունի 2023-ին 17 մլրդ դոլար ստանալ վերականգնման համար

Ուկրաինայի վարչապետ Դենիս Շմիգալը հայտարարել է, որ Կիևը հույս ունի 2023 թվականին 17 միլիարդ դոլար ստանալ ռազմական գործողությունների հետևանքով վնասված գույքի առաջնահերթ վերականգնման համար։ Այս մասին հայտնում է gazeta.ru կայքը՝ վկայակոչելով նրա հայտարարությունը:

«Այսօրվա դրությամբ մեզ համար արդեն հասկանալի աղբյուրներից վերականգնման ընդհանուր գումարը կազմում է մոտ 110 միլիարդ գրիվնա (գրեթե 3 միլիարդ դոլար): Ընդհանուր առմամբ, այս տարի մենք ակնկալում ենք ստանալ 17 միլիարդ դոլար կամ 680 միլիարդ գրիվնա՝ վնասված և ավերված գույքի առաջնահերթ վերականգնման համար», - ասել է Շմիգալը:

Նա նշել է, որ վերականգնումը նախատեսում են սկսել այս տարի, և հավելել՝ ֆինանսավորման աղբյուրները կլինեն ՌԴ-ից բռնագրավված միջոցները, Ուկրաինայի բյուջեն, միջոցներ կուղղվեն նաև միջազգային գործընկերների և դոնորների կողմից։