Ուզում են Թուրքիային բերել այստեղ, եւ այդ գինը հայ ժողովուրդն է վճարում. Արմեն Աշոտյան

Վստահ եմ, որ Փաշինյանը միտումնավոր երկու տարի չի բարձրացրել Ադրբեջանի կողմից ռուս խաղաղապահների մանդատը ստորագրելու հարցը, քանի որ նա ուզում էր այդ խնդիրը, քանի որ նրա աշխարհաքաղաքական տերերը Լաչինի միջանցքի շրջափակումը օգտագործում են Ռուսաստանին տարածաշրջանից դուրս բերելու համար։ Այս մասին հունվարի 10-ին ֆեյսբուքյան իր էջի ուղիղ եթերում հայտնել է Հայաստանի Հանրապետական կուսակցության փոխնախագահ Արմեն Աշոտյանը։։

«Վատն այն է, որ ուզում են Թուրքիային բերել այստեղ, եւ այդ գինը հայ ժողովուրդն է վճարում։ Ինչո՞ւ Հայաստանի իշխանություններն այս հարցը որպես նախապայման ավելի վաղ չեն բարձրացրել: Փաշինյանը մանիպուլյացիա է անում հայտարարության վեցերորդ կետի մասին խոսելով։ Քանի որ նա բոլոր հայտարարությունները ստորագրել է ամբողջությամբ Հայաստանի անունից, ապա անկախ այն բանից, թե որ կետում ինչ է գրված, Հայաստանը առնվազն պետք է պահանջի դրանց կատարում։ Բովանդակային իմաստով Փաշինյանը ստում է՝ Հայաստանը պատասխանատվություն է կրում առնվազն հայտարարության կետերի լիարժեք իրականացման մոնիտորինգի համար, այդ թվում՝ Լաչինի միջանցքի ապաշրջափակման հետ կապված։

Այս հայտարարության մեջ չկա Արցախի ստորագրությունը, որը մինչ պատերազմն ուներ երկու ճանապարհ, այդ թվում՝ Վարդնես-Քարվաճառ։ Հենց նոյեմբերի 9-ի հայտարարությամբ էլ Փաշինյանը հանձնեց ճանապարհներից մեկը՝ խոցելի դարձնելով Արցախը։ Նա Արցախում ռուս խաղաղապահների առկայությունը վաճառում է որպես իր ձեռքբերում՝ մոռանալով, որ մինչ 44-օրյա պատերազմը հայերն իրենք ապահովում էին իրենց անվտանգությունը։ Արցախին ֆինանսական աջակցության աճը հետեւանք է Փաշինյանի պատճառով ստեղծված իրավիճակի, երբ Արցախը կորցրեց իր տարածքի 1/3-ը, իր տնտեսական ներուժի զգալի մասը»,- նշել է Աշոտյանը։