Թուրքիան պատժամիջոց է սահմանել Սիրիայի նկատմամբ

Թուրքիայի վարչապետ Ռեջեփ Թայիփ Էրդողանը երեկ ԱՄՆ նախագահ Բարաք Օբամայի հետ հանդիպումից հետո հայտարարել է, որ Թուրքիան եւս պատժամիջոցներ է սահմանելու Սիրիայի նկատմամբ. տեղեկացնում է քրդական Firat գործակալությունը:

«Մենք չէինք ցանկանում, որ գործը հասցներ կոշտ միջոցներին, սակայն սիրիացիներն իրենք ստիպեցին մեզ նման քայլերի դիմել։ Պաշտոնական Դամասկոսը կեղտոտ հակաթուրքական կամպանիա է ձեռնարկել։ Մենք այլևս չենք վստահում սիրիական ներկայիս իշխանություններին»,- ասել է Էրդողանը:

Անդրադառնալով Սիրիայի դեմ պատժամիջոցներ կիրառելու անհրաժեշտությանը` նա նշել է, թե Թուրքիայի արտգործնախարարությունը շուտով այդ մասին հայտարարություն կտարածի, սակայն պատժամիջոցներն արդեն կիրառվում են. Թուրքիան իր օդային տարածքը փակել է Սիրիայից Թուրքիա ռազմական բեռներ փոխադրող ինքնաթիռների համար:

«Սիրիայի դեմ պատժամիջոցները կարող են Լիբիայի նման չլինել: Ամեն երկրի, ժողովրդի համար այն կարող է տարբեր լինել: Մենք արդեն պատրաստ են պատժամիջոցներ կիրառել, սակայն դրանք դեռեւս պետք է համաձայնեցվեն ԱՄՆ-ի հետ»,- հայտարարել է Թուրքիայի վարչապետը: