Պաշտոնական այցով Թուրքիայում գտնվող Ադրբեջանի պաշտպանության նախարար Զաքիր Հասանովը հանդիպել է Թուրքիայի ազգային պաշտպանության նախարար Հուլուսի Աքարի հետ, գրում են ադրբեջանական լրատվամիջոցները։
Հասանովը նախօրեին ժամանել է Թուրքիայի Քայսերի նահանգ՝ մասնակցելու Թուրքիայի, Ադրբեջանի եւ Վրաստանի պաշտպանության նախարարների թվով 9-րդ նիստին։
«Հանդիպմանը քննարկվել են ռազմական, ռազմատեխնիկական, ռազմակրթական եւ այլ ոլորտներում համագործակցության հեռանկարները, կարեւորվել է այդ ուղղությամբ տարվող աշխատանքների հետագա ընդլայնումը»,-ասվում է հաղորդագրության մեջ: