Իրանը հայկական ապրանքներ է ուղարկել Ադրբեջան

Բաքվի գլխավոր մաքսային վարչության «Իփյակ Յոլու» մաքսակետում հայտնաբերվել է շինարարական աշխատանքներում օգտագործվող սիլիկոնային արտադրանքի 24820 տարա և հայկական արտադրության սիլիկոնե արտադրանքի տարաներ փաթեթավորելու համար նախատեսված 1050 դատարկ ստվարաթղթե տուփ. հաղորդում են ադրբեջանական ԶԼՄ-ները` երկրի Մաքսային ծառայությանը հղումով:

Նշվում է, որ այդ ապրանքներն ուղարկվել են Իրանի Իսլամական Հանրապետությունում գործող  ընկերության կողմից Ադրբեջանում գտնվող ֆիզիկական անձի հասցեով։

Ինչպես նշվել է մաքսատանը, նախկինում փորձեր են արվել Ադրբեջան տեղափոխել հայկական ապրանքներ՝ սնունդ և ալկոհոլային խմիչքներ։