կարևոր
2542 դիտում, 1 տարի առաջ - 2022-10-27 17:44
Հասարակություն

Վահրամ Դումանյանը չի բացառում բուհերի շենքերը մասնավորին վարձով տալու տարբերակը

Վահրամ Դումանյանը չի բացառում բուհերի շենքերը մասնավորին վարձով տալու տարբերակը

Բուհերը Աշտարակ տեղափոխելուց հետո համալսարանների շենքերը կշարունակեն գործել՝ իրավիճակից կախված։ Այս մասին լրագրողների հետ զրույցում ասաց ԿԳՄՍ նախարար Վահրամ Դումանյանը։

«Կան տարբեր տարբերակներ, քննարկվում է, որ շենքերը մնալու են բուհերի բալանսում։ Տարբերակների մեկն է՝ կապիտալի անձեռնմխելի հիմնադրամը, այսինքն բուհը կարող է կուտակել որոշակի գումարներ այդ հիմնադրամում, որոնք պետք է ծախսվեն միմիայն կրթական նպատակներով»,- ասաց նա։

Ճշտող հարցին՝ քննարկվող տարբերակների մեջ մտնո՞ւմ է մասնավորին վարձով տալը, Դումանյանն ասաց՝ դա ևս տարբերակ է։