Քրդերն Իրաքում ոչնչացրել են 22 թուրք զինվորականի

Քրդական Ժողովրդական ինքնապաշտպանության ուժերը (HPG) հարձակում են սկսել թուրքական բանակի դեմ Հյուսիսային Իրաքի քուրդ պարտիզանների կողմից վերահսկվող Միդիա պաշտպանական գոտու Զապ շրջանում, որտեղ թուրքական բանակը ռազմական գործողություն է իրականացնում։ Թուրքական ներխուժումը շարունակվում է արդեն մեկ ամսից ավելի. հայտնում է քրդական Fırat գործակալությունը:

HPG-ի՝ կիրակի օրը տարածված հայտարարության մեջ ասվում է. «Մեր ուժերը ձեռնարկել են Սավեհիդ Սավաշ Մարաշի հեղափոխական հարձակումը Զապայում գտնվող Գիրե ՖՄ և Գիրե Ջուդի դիմադրության շրջաններում և ծանր հարվածներ հասցրել թուրքական օկուպացիոն ուժերին: Հարձակման ընթացքում ոչնչացվել է 22 թուրք զինվոր, վիրավորվել են մեկ սպա և երկու զինվոր։ Պարտիզանների կրակից խոցվել և վնասվել են տրանսպորտային ուղղաթիռ և երկու հարվածային ուղղաթիռներ»։