Ճանաչում ենք Հայոց ցեղասպանությունը, դրանում քրդերն էլ են դերակատարում ունեցել. քրդական կուսակցության նախագահ

Թուրքիայում ընդդիմադիր «Ժողովուրդների դեմոկրատիա» քրդամետ կուսակցության նախագահ Սելահեթթին Դեմիրթաշը CNNTurk հեռուստաընկերության ուղիղ եթերում հայտարարել է, որ Հայոց ցեղասպանությունը տեղի է ունեցել:

Ըստ Haber7-ի՝ Դեմիրթաշը, ով բազմիցս ընդունել է Ցեղասպանության փաստը, հայտարարել է, որ դրանում եղել է նաև քրդերի դերակատարումը:

«Մենք անվարան ընդունում ենք, որ Հայոց ցեղասպանությունը տեղի է ունեցել: Այս ցեղասպանության գործում քրդերն էլ, բոլորն էլ դերակատարություն են ունեցել: Սակայն քաղաքական որոշում կայացնողները եղել են Թալեաթն ու Էնվեր փաշան և «Իթթիհաթ վե թերաքքին»: Եթե տեր եք կանգնում օսմանյան ողջ ժառանգությանը, դրան էլ տեր կանգնեք: Անգամ եթե այդպես չէ, առերեսվեք այդ ցավի հետ»,- ասել է Դեմիրթաշը: