ԱՄՆ Սենատը հավանություն է տվել Ուկրաինային 40 միլիարդ դոլարի օգնության նոր փաթեթին. պարտքով կվերցնի Չինաստանից

ԱՄՆ Սենատը հավանություն է տվել Ուկրաինային 40 միլիարդ դոլարի օգնության նոր փաթեթին։ Ամեն ինչ լավ կլիներ, բայց ամերիկյան բյուջեն նման միջոցներ չունի, ուստի պետք է պարտք վերցնել Չինաստանից. ասել է սենատոր Ռենդ Փոլը։

«Կարծում եմ՝ կարևոր է իմանալ, որ մենք փող չունենք ուղարկելու, մենք պետք է պարտք վերցնենք Չինաստանից՝ Ուկրաինա միջոցներ ուղարկելու համար», - ասել է Կենտուկիից սենատորը։

Կոնգրեսի որոշման կապակցությամբ դժգոհություն են հայտնել նաեւ վետերանները։ Ըստ նրանց՝ այդ հարցում շատ բաներ անհասկանալի են:

«Վաշինգտոնի շտապողականությունն արջի ծառայություն է մատուցում ինչպես ամերիկացիներին, այնպես էլ ուկրաինացիներին՝ վտանգելով երկարացնել պատերազմը և ուժեղացնել լարվածությունը», - ասվում է նրանց հայտարարության մեջ: