Բայդենը հեռախոսային բանակցություններ է վարել Ֆինլանդիայի նախագահի եւ Շվեդիայի վարչապետի հետ

ԱՄՆ նախագահ Ջո Բայդենն ուրբաթ հեռախոսազրույցներ է ունեցել Ֆինլանդիայի նախագահ Սաուլի Նիինիստյոյի եւ Շվեդիայի վարչապետ Մագդանելա Անդերսոնի հետ: Այս մասին հայտնում է Սպիտակ տան մամուլի ծառայությունը:

«Նախագահ Բայդենը անվտանգ կապի գծով զրուցել է Շվեդիայի վարչապետ Անդերսոնի եւ Ֆինլանդիայի նախագահ Նիինիստյոյի հետ»,- ասվում է հաղորդագրության մեջ: Զրույցի բովանդակութան մասին տեղեկություն դեռեւս չի փոխանցվում:

Ապրիլի սկզբին ակտիվացել են քննարկումները Ֆինլանդիայի՝ ՆԱՏՕ-ի անդամակցության մասին: Դաշինքի հիմնական անդամները հավանություն են տվել այդ գաղափարին: Ֆինլանդիայի խորհրդարանի անդամների մեծամասնությունը կողմ է արտահայտվել դաշինքին միանալուն: Նման հավանականություն դիտարկվում է նաեւ Շվեդիայում: