Ադրբեջանի պատվիրակությունը պատրաստ է բանակցություններ սկսել Հայաստանի հետ խաղաղության համաձայնագրի շուրջ. Ալիև

Ադրբեջանական պատվիրակությունը պատրաստ է Հայաստանի հետ խաղաղ համաձայնագրի շուրջ բանակցություններ սկսել. ասել է Ադրբեջանի նախագահ Իլհամ Ալիևը:

Նշելով, որ Հայաստանն ընդունել է իրենց երկրի առաջ քաշած 5 սկզբունքները, նա հայտարարել է ադրբեջանական պատվիրակության խաղաղ պայմանագրի հետ կապված բանակցություններ սկսելու պատրաստակամության մասին։

Այս մասին երկրի ղեկավարն ասել է Արևելյան գործընկերության գծով Ֆրանսիայի արտգործնախարարության դեսպան Բրիս Ռոքֆեյի հետ հանդիպման ժամանակ։ Քննարկվել են հետկոնֆլիկտային շրջանին և Ադրբեջանի ու Հայաստանի միջև հարաբերությունների կարգավորմանը, խաղաղության պայմանագրի նախապատրաստման բանակցություններին, սահմանների սահմանազատմանը վերաբերող հարցեր։