Ըստ Մարուքյանի՝ պետք է հարաբերությունները կարգավորել, որ Թուրքիան ճանաչի Հայոց ցեղասպանությունը

Պետք է աշխատանքներ տանենք, որ Թուրքիան ճանաչի Հայոց ցեղասպանությունը։ Այս մասին Ծիծեռնակաբերդում լրագրողների հետ զրույցում նշեց հատուկ հանձնարարություններով դեսպան Էդմոն Մարուքյանը։

«Թուրք գիտնականներ, իրավապաշտպաններ, տարբեր հասարակական գործիչներ ու գրողներ ընդունել են Ցեղասպանությունը և ներողություն են խնդրել հայ ժողովրդից: Հիմա մի փուլում ենք, որ պրոցես է ընթանում, որով փորձ ենք անում հարաբերությունները կարգավորել, սահմանները բացել, դիվանագիտական հարաբերություններ հաստատել: Կստացվի, թե՝ ոչ, դա կախված է նաև Թուրքիայի անկեղծությունից, թե որքանով են նրանք անկեղծ այդ գործընթացի մեջ, այսինքն՝ գործընթացը զուտ որպես գործընթաց են դիտարկում, թե դիտարկում են իրավիճակ, որը արդյունք է տալու»,- նշեց Մարուքյանը:

Մանրամասն՝ տեսանյութում։