Եվրամիությունը ծանր զենք կգնի Ուկրաինայի համար

Եվրամիությունը համաձայնել է գնել ծանր սպառազինություն և անվճար փոխանցել Ուկրաինային՝ Ռուսաստանի դեմ պատերազմում աջակցելու համար։ Այս մասին Европейская правда-ին տված հարցազրույցում հայտարարել է Եվրոպական խորհրդի նախագահ Շառլ Միշելը։

«Անվտանգության նկատառումներից ելնելով՝ այս մասին շատ նորություններ չեն լինի: Բայց մենք հավատարիմ ենք այդ զենքերը ձեզ հասցնելու պարտավորություններին»,- ասել է Միշելը:

Նրա խոսքով՝ պատերազմի մեկնարկից ի վեր երկու ամսվա ընթացքում ԵՄ-ն արդեն 1,5 միլիարդ եվրո է հատկացրել «European Peace Facility» գործիքակազմի միջոցով (օգտագործվում է Ուկրաինայի զինված ուժերի կարիքները հոգալուն ուղղված գնումների համար): «Եվ դա՝ ի լրումն ԵՄ անդամ շատ երկրների կողմից երկկողմ մակարդակի աջակցության: Բայց այս օգնությունը բավարար չէ, մենք պետք է և կանենք ավելին», - ընդգծել է Միշելը: