Մարիուպոլը կազատվի ազգայնամոլներից. ՌԴ ՊՆ

Ռուսաստանի Պաշտպանության նախարարության պաշտոնական ներկայացուցիչ Իգոր Կոնաշենկովը հայտարարել է, որ Մարիուպոլը կազատվի ազգայնամոլներից, քանի որ Կիեւը շահագրգռված չէ իր զինվորականների կյանքը պահպանելու հարցում:

Կոնաշենկովի խոսքով՝ Ռուսաստանը բազմիցս Ուկրաինայի իշխանություններին հայտնել է Մարիուպոլից Ուկրաինայի՝ զենքը կամավոր վայր դրած զինվորականների դուրս գալու հնարավորության մասին: Այդ թվում նման առաջարկ արվել է ապրիլի 5-ի առավոտյան։

Ընդ որում՝ Կիևի իշխանությունները այդ առաջարկներն անընդհատ անտեսում են։

«Հաշվի առնելով Կիևի անհետաքրքրվածությունը իր զինծառայողների կյանքերի պահպանման հարցում, Մարիուպոլը կազատվի ազգայնամոլներից ռուսական զինված ուժերի և Դոնեցկի Ժողովրդական Հանրապետության ստորաբաժանումների կողմից», - հայտարարել է Պաշտպանության նախարարության ներկայացուցիչը: