Երեւանը կազատվի մի աղբանոցից

Ի պատասխան Մալաթիա-Սեբաստիա վարչական տարածքում գտնվող աղբանոցի տոքսիկ արտանետումների վերաբերյալ «ԷկոԼուր»-ի ահազանգի` Հայաստանի բնապահպանության նախարարությունից հայտնել են, որ նախարար Արամ Հարությունյանի հանձնարարությամբ Երեւան քաղաքի տեսչությունը ուսումնասիրել է այդ խնդիրը:

Պարզվել է, որ աղբավայրից արտազատվում են մեթան, ածխաթթու գազ, ամոնիակ, որոնք վնասակար են մարդկանց առողջության համար:

«Տեսչության աշխատակիցները հանդիպել են Մալաթիա-Սեբաստիա վարչական տարածքի ղեկավարության հետ` առաջարկելով 2-3 օրվա ընթացքում միջոցներ ձեռնարկել աղբն ամբողջությամբ մաքրելու համար»,- հայտնում է «ԷկոԼուր»-ը:

Ներկա պահին աղբանոցի տարածքը մաքրվում է: Մալաթիա-Սեբաստիա վարչական տարածքի պետի տեղակալ Աշոտ Սմբատյանը վստահեցրել է, որ տարածքի մաքրումից հետո այն կցանկապատվի, իսկ խախտողը կտուգանվի: