Պարո՛ն Աղազարյան, բիզնեսի հանդեպ Ձեր վատ վերաբերմունքն ուզում եմ վերացնեք․ Հռիփսիմե Ստամբուլյան

Այս վերաբերմունքը չեմ կարողանում հասկանալ, ի՞նչ է նշանակում՝  բիզնեսին անընդհատ դեմ արտահայտվել, տնտեսվարողի մասին վատ արտահայտվել․ Ազգային ժողովի տնտեսական հարցերով հանձնաժողովի նիստում, դիմելով ՔՊ-ական պատգամավոր Հովիկ Աղազարյանին, ասաց «Հայաստան» խմբակցության պատգամավոր Հռիփսիմե Ստամբուլյանը։

«Շատ լավ է, թող բիզնեսը զարգանա, աճի»,- ասաց պատգամավորը։

Ստամբուլյանը ողջունում է Էկոնոմիայի նախարարության ներկայացրած նախագիծը, ըստ որի՝ մինչև 1 մլն դրամ արժեքով ապրանքների արտահանման ժամանակ մաքսավճար չի վճարվի, թեպետ մտահոգություն ուներ, որ պետբյուջեի վրա դա կարող է բացասական ազդեցություն ունենալ։

«Քննարկման արդյունքում պարզ է դառնում, որ կարող է քանակ ավելանալ, և շահութահարկի տեսքով մենք ունենք ավելի մուտքեր բյուջե։ Պարո՛ն Աղազարյան, բիզնեսի հանդեպ Ձեր այդ վերաբերմունքը ուզում եմ վերացնեք, որովհետև մենք պետք է բիզնեսը գնահատենք, ամեն ինչ անենք, խթանենք»,- նշեց ընդդիմադիր պատգամավորը։