Զոհրաբ Մնացականյանը կմասնակցի Մյունխենի անվտանգության համաժողովին. Աննա Նաղդալյան

Փետրվարի 7-8-ը ՀՀ արտաքին գործերի նախարար Զոհրաբ Մնացականյանը պաշտոնական այցով կայցելի  Տալլին: Այս մասին այսօր լրագրողներին հայտնեց ԱԳՆ մամուլի խոսնակ Աննա Նաղդալյանը:

«Այցի շրջանակում նախարարը հանդիպում կունենա երկրի բարձրաստիճան պաշտոնյաների հետ: Նախատեսված է նախարարի հանդիպումը ՏՏ ոլորտի առաջատար ներկայացուցիչների հետ»,- ասաց նա՝ հավելելով, որ Զոհրաբ Մնացականյանը կբանախոսի նաև Արևելյան գործընկերության 6-րդ համաժողովում: 

Փետրվարի 16-18-ը նախարարը կմասնակցի Մյունխենի անվտանգության համաժողովին, որի շրջանակում նախատեսված են երկկողմ հանդիպումներ: «Այս համաժողովին իր մասնակցությունը հաստատել է նաեւ Ադրբեջանի արտաքին գործերի նախարարը»,- նշեց ԱԳՆ խոսնակը: