Նախագահի նաև կին թեկնածու է եղել. Ալեն Սիմոնյան

Հանրապետության նախագահի պարտականությունները կատարող Ալեն Սիմոնյանն այսօր ԱԺ-ում լրագրողների հետ զրույցում ասաց, թե նախագահի պաշտոնում քննարկվել է նաև իր թեկնածությունը, սակայն ինքն ինքնաբացարկ է հայտնել: 

Հարցին, թե կարծել է՝ մրցակցությանը չի՞ դիմանա. Սիմոնյանը պատասխանեց.

«Հարցը մրցակցությունը չի։ Համարում եմ, որ այստեղ իմ աշխատանքը բավականին լավ եմ կատարում, համարում եմ, որ պատասխանատու աշխատանք եմ անում: Շատ-շատ պատճառներ կան, գուցե նաև ես այն ճանապարհը դեռ չեմ անցել, որը պարոն Խաչատուրյանն է անցել: Վերջիվերջո, երկրին պետք է պատասխանատու ձևով մոտենալ, և այդ պատասխանատվության զգացողությունը շատ բարձր է: Դա նույնպես դեր խաղաց իմ որոշման հետ կապված»,- ասաց Ալեն Սիմոնյանը:

Նա նշեց, թե Վահագն Խաչատուրյանից բացի, այլ արժանի թեկնածուներ ևս եղել են:

«Եղել է նաև կին թեկնածու: Թե ով է՝ այ, դա չեմ ասի»,- ասաց Սիմոնյանը։