Վստահ չեմ, որ ՀԱՊԿ-ը կարող է մեկ-երկու օրում առաքելություն ուղարկել Հայաստան․ Ալեն Սիմոնյան

Ազգային ժողով նախագահ Ալեն Սիմոնյանը վստահ չէ, որ ՀԱՊԿ-ը կարող է մեկ-երկու օրում առաքելություն ուղարկել Հայաստան:

«Ներողություն եմ խնդրում, բայց ես վստահ չեմ, որ այդ հնարավորությունը կա, որովհետև այդ կազմակեպությունում կան շատ տարբեր  երկրներ, որոնք ունեն  իրենց շահերը ու ես վստահ չեմ, որ  իրենցից մեկը վետո չի դնի», - ԱԺ-ում  լրագրողների հետ զրույցում հայտարարեց Սիմոնյանը:

Նա ասաց, թե  չի հասկանում՝ ի՞նչ է փոխվել ՀԱՊԿ-ում, որովհետև ժամանակին այն, ինչ Հայաստանն էր ուզում ու պահանջում,  ընդամենը քաղաքական հստակ գնահատականն էր:

«Իրենք քաղաքական հստակ գնահատականից հետ կանգնեցին»,- ասաց ԱԺ նախագահը: