24 04 2024
|
||
---|---|---|
EUR | ⚊ | 415.63 |
GBP | ⚊ | 481.74 |
GEL | ⚊ | 145.81 |
RUB | ⚊ | 4.18 |
USD | ⚊ | 390.04 |
Մինչև տարվա վերջ Ադրբեջանի հետ խաղաղության պայմանագիր կնքելու մտադրությունը չբարձրաձայնված վերջնաժամկետ է, երկու կողմն նման ցանկություններ ունեն: Ազգային ժողովում լրագրողների հետ ճեպազրույցում այս մասին ասաց Ազգային ժողովի նախագահ Ալեն Սիմոնյանը, պատասխանելով հարցին, թե արդյոք մինչև տարվա վերջ Ադրբեջանի հետ պայմանագիր կկնքվի:
«Դա ինչ-որ լռելյան վերջնաժամկետ է, երկու կողմն էլ, կարելի է ասել, դրա հետ կապված ցանկություններ ունեն: Ես էլ եմ ցանկանում, որ մենք հնարավորինս արագ կնքենք խաղաղության պայմանագիր: Նորից եմ կրկնում, Հայաստանի Հանրապետության 29 հազար 800 կմ2 տարածքը մեր համար քննարկման առարկա երբևիցե չի կարող լինել: Եվ խաղաղության պայմանագիրն, ըստ իս, պետք է հնարավորինս արագ կնքվի»,- ասաց Սիմոնյանը:
Միևնույն ժամանակ, ԱԺ նախագահն ընդգծեց, որ միջազգայնորեն ճանաչված Հայաստանի Հանրապետության տարածքից Ադրբեջանի զորքերը պետք է անհապաղ դուրս գան:
«Մենք դրա մասին մեր բոլոր միջազգային հանդիպումների ժամանակ ասել ենք»,- ընդգծեց Սիմոնյանը, հավելելով, որ այլ պարագայում չի պատկերացնում առաջ շարժվելը: