Թուրքիայում պայթյուն է որոտացել նավթամուղում

Թուրքիայի հարավ-արևելքում՝ Քահրամանմարաշ (Մարաշ) քաղաքում, պայթյուն է որոտացել նավթամուղում։ Դրա հետևանքով նավթամուղը բռնկվել է. հայտնում է թուրքական A Haber-ը։

Հրդեհը նույնիսկ տարածվել է Նարլըի տարածքի մոտ գտնվող ճանապարհի վրա  և ընդգրկել է Քահրամանմարաշ-Գազիանթեփ ավտոճանապարհի մի մասը. երթուղին երկու ուղղություններով փակ է։

Նավթատարը պատկանում է թուրքական նավթային BOTAS բաժնետիրական ընկերությանը։

Քահրամանմարաշի քաղաքապետ Հայրեթթին Գյունգերը հայտնել է, որ հրդեհը մարելու համար ուղարկվել է 19 հրշեջ մեքենա։

Միջադեպի հետևանքով զոհվածների և վիրավորների մասին տեղեկություններ չկան։ Հրդեհը մարվել է։