ԱՄՆ-ը կես միլիոն դոլար է տրամադրում՝ որպես աջակցություն Տաջիկստանի «անկախ» լրատվամիջոցներին և բլոգերներին

ԱՄՆ-ը կես միլիոն դոլար է տրամադրում Տաջիկստանի «անկախ» լրատվամիջոցներին և բլոգերներին աջակցելու համար. հայտնում է Rossia Today-ը:

Պետքարտուղարությունը մտադիր է 2022 թվականին հանրապետությունում սկսել «ժողովրդավարական ինստիտուտների և քաղաքացիական հասարակության» զարգացման ծրագիր։ Այն կներառի մի քանի ոլորտներ, այդ թվում՝ բլոգերների և լրագրողների վերապատրաստում: Հատուկ ուշադրություն է դարձվում սոցիալական ցանցերին։

Այս նախագծի հիմնական թիրախային լսարանը պետք է լինեն Տաջիկստանի՝ 15-35 տարեկանները։

Անցյալ տարի հայտնի դարձավ Տաջիկստանում ամերիկյան մշակույթի տարածման համար գումար հատկացնելու՝ Վաշինգտոնի մտադրության մասին։ Խոսքը, մասնավորապես, ամերիկյան երգերի հանրայնացման մասին է։