Նոբելյան մրցանակ` արաբ բլոգերներին

Այս տարվա Խաղաղության Նոբելյան մրցանակը հավանորեն շնորհվի արաբ բլոգերներին, որոնք նպաստել են, այսպես կոչված, «արաբական գարնանը»: Reuters գործակալության հետ հարցազրույցում նման կարծիք է հայտնել նորվեգացի նախկին դիվանագետ, ՄԱԿ-ի գլխավոր քարտուղարի` հումանիտար հարցերով նախկին տեղակալ Յան Էգելանը:

Նրա խոսքերով` մրցանակի շնորհման ժամանակ հաշվի է առնվում խոշոր միջազգային իրադարձությունները ներկայացնելու անհրաժեշտությունը: Այդ տրամաբանությունից ելնելով` դա «արաբական գարունն» է: Էգելանի կարծիքով` Նոբելյան հանձնաժողովը կարող է մրցանակի արժանացնել Վաել Գոնիմին` Google-ի մենեջերին, որը համարվում է եգիպտական հեղափոխության հիմնական կազմակերպիչներից մեկը, նաեւ թունիսցի բլոգեր Լին բեն Մեննիին: