Ադրբեջանի նախագահը բարձրացրել է ուժայինների աշխատավարձերը

Ադրբեջանի նախագահ Իլհամ Ալիեւը երկրի ուժային կառույցների զինվորականների եւ քաղաքացիական աշխատակիցների աշխատավարձերի բարձրացման մասին հրամանագրեր է ստորագրել։

Ինչպես հայտնում է turan.az-ը, 2022 թվականի հունվարի 1-ից 20%-ով կավելանան պաշտպանության նախարարության, պետական անվտանգության ծառայության, արտաքին հետախուզության, նախագահի անվտանգության ծառայության, կապի հատուկ ծառայության, պետական սահմանային ծառայության, ՆԳՆ-ի, ներքին զորքերի գլխավոր վարչության, պետական մաքսային կոմիտեի, միգրացիոն պետական ծառայության զինծառայողների, հատուկ կոչումներ ունեցող մասնագետների եւ քաղաքացիական աշխատակիցների աշխատավարձները։