ԽԱՅՏԱՌԱԿ ապօրինի կերպով կալանքի տակ պահաված մեր գործընկերներին հիմա անհապաղ ազատ են արձակելու․ պատգամավոր

Սիրելի հայրենակիցներ,

Հենց նոր հրապարակվեց ՍԴ որոշումը մեր դիմումի հիման վրա` պատգամավորների անձեռնմխելիության վերաբերյալ: Սահմանադրական դատարանը արձանագրեց բառացի այն, որ անազատության մեջ գտնվող պատգամավորի կարգավիճակ չունեցող անձը ՊԱՏԳԱՄԱՎՈՐԻ կարգավիճակ ձեռք բերելու պահից, չի կարող պահվել անազատության մեջ։ Մեր գործընկերներներին ԽԱՅՏԱՌԱԿ ապօրինի կերպով այսքան ամիս պահեցին կալանքի տակ, իսկ հիմա անհապաղ ազատ են արձակելու: Բարձր դատարանը այս անգամ ապահովեց սահմանադրական արդարադատություն:

Արամ Վարդևանյան

«Հայաստան» խմբակցության պատգամավոր

Հիշեցնենք, որ այս պահին ազատությունից զրկված են և իրենց պատգամավորական գործունեությունը չեն կարողանում իրացնել «Հայաստան» խմբակցության երեք պատգամավորները՝ Արմեն Չարչյանը, Մխիթար Զաքարյանը և Արթուր Սարգսյանը: