Թուրքիայում ձերբակալել են Գյուլենի հետ կապերի մեջ կասկածվող 134 անձի

Թուրքիայում երեքշաբթի առավոտյան առնվազն 134 մարդ է ձերբակալվել «Ֆեթուլլահական ահաբեկչական կազմակերպության (FETO)» հետ կապ ունենալու կասկածանքով․ հայտնում է թուրքական TRT Haber հեռուստաալիքը։

Ձերբակալությունները տեղի են ունեցել Ստամբուլի և Անկարայի հինգ թաղամասերում։

2016 թվականի հուլիսի 15-ին Թուրքիայի զինված ուժերի մի խումբ զինվորականներ և սպաներ պետական հեղաշրջման փորձ կատարեցին։ Հիմնական դիմակայությունը ծավալվեց Ստամբուլում և Անկարայում, 250 մարդ զոհվեց՝ չհաշված ապստամբներին, ավելի քան 2 հազար մարդ վիրավորվեց։ Անկարան հեղաշրջման նախապատրաստման մեջ մեղադրում է ԱՄՆ-ում բնակվող իսլամական քարոզիչ Ֆեթուլլահ Գյուլենին և նրա հետ կապված FETO-ին։