Օրլիում ձերբակալել են զինվորականների վրա հարձակման մեջ կասկածվող երկրորդ անձին

Ֆրանսիայի իշխանությունները ձերբակալել են մարդու, որը կարող է մասնակցած լինել Փարիզի Օրլի օդանավակայանում զինվորականների վրա իրագործված հարձակմանը, հայտնում է «РИА Новости»-ն՝ հղում անելով «France Info» ռադիոկայանին:

«Օրլիում ձերբակալվել է երկրորդ կասկածյալը… Նա, կարծես, օդանավակայանի աշխատակիցներից է», - Twitter-ի իր միկրոբլոգում հայտնել է ռադիոկայանը:

Շաբաթ անհայտ անձը հարձակվել է զինվորականների վրա, որոնք Sentinelle գործողության շրջանակում Օրլի օդանավակայանի անվտանգությունն են ապահովում: Ի պատասխան՝ զինվորականները կրակ են բացել: Միջադեպի հետեւանքով ոչ ոք չի տուժել:

Ներկայումս Orly Sud սպասասրահից մարդիկ տարհանվել են, տեղում աշխատում են ոստիկանության հատուկջոկատայինները: