Կրեմլը հաստատել է Փաշինյանի ու Ալիևի հանդիպումը Սոչիում

Ռուսաստանի նախագահ Վլադիմիր Պուտինը,  Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը կհանդիպեն նոյեմբերի 26-ին Սոչիում։ Պետությունների ղեկավարները նախատեսում են նախանշել Լեռնային Ղարաբաղում կայունության ամրապնդման և խաղաղ կյանքի հաստատման հետագա քայլերը. հաղորդում է Կրեմլի մամուլի ծառայությունը։

«Նախատեսվում է դիտարկել երեք երկրների ղեկավարների` 2020 թվականի նոյեմբերի 9-ի և 2021 թվականի հունվարի 11-ի պայմանավորվածությունների կատարման ընթացքը, ինչպես նաև նախանշել տարածաշրջանում կայունության ամրապնդման և խաղաղ կյանքի հաստատման հետագա քայլերը: Առանձնահատուկ ուշադրություն կդարձվի առևտրատնտեսական և տրանսպորտային կապերի վերականգնմանն ու զարգացմանը»,- նշված է հաղորդագրության մեջ։