Չինաստանը զորքերը բարձր մարտական պատրաստության է բերել

Չինաստանի Ժողովրդա-ազատագրական բանակը զորքերը բարձր պատրաստության է բերել՝ Թայվանի նեղուցով ԱՄՆ ռազմածովային ուժերի USS Milius էսմինեցի անցնելու  պատճառով։ Այս մասին հայտարարել է Արեւելյան միացյալ հրամանատարության մամուլի քարտուղար Շի Ին, փոխանցում է «Սինհուա»-ն։

Նա հայտարարել է, որ ամերիկյան էսմինեցը հատել է Թայվանի նեղուցը, ինչով մեծ հասարակական արձագանք է առաջացրել։ Շի Ին հայտնել է, որ ամերիկյան նավը վերահսկվել է ողջ երթուղու ընթացքում։

«Զորքերը գտնվում են մարտական պատրաստության բարձր մակարդակում եւ վճռականորեն պաշտպանում են ազգային ինքնիշխանությունը եւ անվտանգությունը, ինչպես նաեւ տարածաշրջանի խաղաղությունն ու կայունությունը», հավելել է նա։