Իսակովի պողոտայում Mercedes-ը տապալել է գազախողովակի հենասյունն ու կողաշրջված բախվել ծառին. վնասվել է եւս 3 մեքենա

Երեւանում, այսօր՝ նոյեմբերի 5-ին, կասկադյորական ավտովթար է տեղի ունեցել. ժամը 02:00-ի սահմանններում Mercedes մակնիշի ավտոմեքենան Իսակովի պոոտայում ՝ Ոստիկանության զորքերի N զորամասի դիմաց, դեռևա անհայտ հանգամանքներում  դուրս է եկել ճանապարհի երթևեկելի գոտուց, բախվել  մայթեզրի բետոնե հատվածին, այնուհետև առաջ ընթանալով՝ բախվել գազատար խողովակի հենասյանը, տապալել այն, ապա բախվել գազատար խողովակին և մոտ 20 մետր առաջ ընթանալով՝ կողաշրջված   բախվել ծառին:

Shamshyan.com-ի հաղորդմամբ, վթարի հետևանքով, ըստ նախնական տեղեկությունների, տուժածներ չկան:

Բախման հետևանքով գազատար խողովակն էլ վնասել է ճանապարհի երթևեկելի գոտուց դուրս  կայանված  Mercedes, Volkswagen Golf  և Opel Astra մակնիշի ավտոմեքենաները:

Հրշեջ-փրկարարները հոսանքազրկել են ավտոմեքենաները, փակել գազաբալոններն, ապա պարեկների ու քաղաքացիների օգնությամբ դարձի բերել կողաշրջված Mercedes-ը:

Պարեկային ծառայությունը պարզում է վարորդի ինքնությունը: