Մեր հարևանների հետ հարաբերությունները մեզ համար առաջնահերթություն են. Իրանի նախագահ

Մեր հարևանների հետ հարաբերությունները մեզ համար առաջնահերթություն են, և մենք թույլ չենք տա, որ սիոնիստները խաթարեն մեր հարաբերությունները մեր հարևանների հետ. ըստ IRNA-ի՝ հայտարարել է Իրանի նախագահ Իբրահիմ Ռաիսին։

Իբրահիմ Ռաիսին հինգշաբթի՝ հոկտեմբերի 21-ին, Իսլամական խորհրդատվական ժողովում Արևելյան և Արևմտյան Ադրբեջանի նահանգների ներկայացուցիչների հետ հանդիպման ժամանակ ասել է, որ օտար երկրները անբարյացակամ են տարածաշրջանի և հարևան երկրների նկատմամբ։

«Նրանք ինքնուրույն են, և մենք թույլ չենք տա, որ սիոնիստները փչացնեն մեր հարաբերությունները մեր հարևանների հետ։ Բարիդրացիական հարաբերությունները, տնտեսական և առևտրային հարաբերություններն ու սահմանամերձ շուկաների աշխուժացումը Իսլամական Հանրապետության ծրագրերից և քաղաքականություններից են, իսկ հարևանների հետ առևտուրը կարող է օգնել զարգացնել տնտեսությունը և հետագա հարաբերությունները տարածաշրջանի երկրների հետ»,- ասել է Իրանի նախագահը: