Ռուսաստանը հայտնել է, որ կարող է հրաժարվել եվրոյից

Եթե Եվրամիությունը սկսի օգտագործել եվրոն արտաքին քաղաքական ճնշումների համար այնպես, ինչպես ԱՄՆ-ն դոլարի դեպքում, ապա Ռուսաստանը կհայտարարի եվրոպական արժույթից հրաժարվելու քաղաքականության մասին. այս մասին հայտարարել է ՌԴ ԱԳՆ ղեկավար Ալեքսանդր Պանկինը:

Նրա խոսքով՝ հենց Մոսկվան նկատի, որ եվրոն դառնում է ճնշման ու վերահսկողության գործիք, նա կօգտագործի վերջերս կուտակված բոլոր «գիտելիքների բազան և ապադոլարիզացման մեխանիզմները»:

Դիվանագետը խոստովանել է, որ մինչ այժմ Ռուսաստանը եվրոյով վճարումների հետ կապված որևէ խնդիր չի նկատում, հետևաբար, արժույթից հրաժարվելու պատճառներ չկան, բացառությամբ զուտ քաղաքական: Այժմ նման պահվածքը կլինի տնտեսապես աննպատակահարմար և կհանգեցնի կորուստների ռուսական բիզնեսի համար. ասել է Պանկինը: