Անմիջապես հեռացնե՛լ Բայդենին. ԱՄՆ կոնգրեսականները պահանջել են նախագահի հրաժարականը նրա՝ հանդիպման ժամանակ քնելուց հետո

ԱՄՆ նախագահ Ջո Բայդենի լուսանկարներն ու տեսանյութերը, որոնցում նա քնած է Իսրայելի վարչապետ Նաֆթալի Բենեթի հետ հանդիպման ժամանակ, լուրջ սկանդալ է առաջացրել ԱՄՆ-ում: Հանրապետականները նոր պատրվակ ունեն խաչակրաց արշավանք կազմակերպելու տարեց առաջնորդի դեմ, որը հեղինակազրկում է ամերիկացիներին: Հանրապետական կոնգրեսականներն արդեն հանդես են եկել Բայդենի հրաժարականի պահանջով. հայտնում է segodnia.ru կայքը։

«Հեռացրեք Ջո Բայդենին անհապաղ: Մեր երկիրը վտանգված է ղեկավարվելու մի մարդու կողմից, որը նույնիսկ չի կարող արթուն մնալ Իսրայելի վարչապետի հետ հանդիպման ժամանակ»,- Twitter-ում գրել է կոնգրեսական Մարջորի Թեյլոր Գրինը՝ մեկնաբանելով  տեսանյութը, որում Բայդենը, նստած Բենեթի դիմաց, ննջում է՝ գլուխը որոշ ժամանակ ներքև պահած և աչքերը փակած, մինչ գործընկերը ոգևորված ելույթ է ունենում:

«Արթնացի՛ր, Ջո՛: Դուք պետք է ստորագրեք հրաժարականի նամակ»,- նշել է կոնգրեսական Լորեն Բոբերտը:

Հիշեցնենք, որ Բայդենը բազմիցս է քննադատվել նման պահվածքի համար։ Ընտրություններում նրա հակառակորդ և նախկին նախագահ Դոնալդ Թրամփը նրան նույնիսկ անվանում էր «sleepy Joe»՝ քնկոտ Ջո։