Ռուսաստանն ուժեղացնում է Տաջիկստանում տեղակայված ռազմակայանը

Տաջիկստանում տեղակայված ռուսական ռազմակայանը հուլիսի վերջին կստանա 17 արդիականացված ՀՄՄ-2M հետևակի մարտական մեքենաներ: Այս մասին չորեքշաբթի լրագրողներին հայտնել է Կենտրոնական ռազմական օկրուգի հրամանատար Ալեքսանդր Լապինը. հայտնում է ՏԱՍՍ-ը:

«Այս տարվա հուլիսի վերջին 201-րդ ռազմաբազայի մոտոհրաձգային ստորաբաժանումները կստանան 17 ժամանակակից հետևակային մարտական մեքենաներ, ինչը էապես կբարձրացնի նրանց մարտական կարողությունները ցանկացած իրավիճակում առաքելություն իրականացնելիս»,- ասել է նա:

Շրջանի մամուլի ծառայությունը պարզաբանել է, որ մարտական մեքենաները նախատեսված են մոտոհրաձգային ստորաբաժանումների հնացած մեքենաները փոխարինելու համար: