Թուրքական դատարանը ձերբակալել է կնոջ, որն ազգային դրոշը աղբարկղն էր գցել

Հուլիսի 13-ին Թուրքիայի դատարանը որոշում է կայացրել ձերբակալել կնոջ, որը Թուրքիայի ազգային դրոշը նետել էր աղբարկղը հարավային Ադանայի նահանգում:

Կատարվածը նկարահանել էին տեսախցիկները: Ավելի ուշ ոստիկանությունը պարզել էր կնոջ ինքնությունը, դատախազությունը դիմել էր դատարան, որը ձերբակալելու որոշում էր կայացրել․ Թուրքիայի քրեական օրենսգրքի 300-րդ հոդվածը քրեականացնում է դրոշը վնասելը կամ վիրավորելը:

«Ցանկացած անձ, որը հրապարակայնորեն նվաստացնում է Թուրքիայի դրոշը, պատռում, այրում կամ նմանատիպ գործողություններ է կատարում, պատժվում է ազատազրկմամբ՝ մեկից երեք տարի ժամկետով»,- ասվում է համապատասխան հոդվածում: