ՊԵԿ-ը տեղեկացնում է, որ էլեկտրոնային կառավարման համակարգից օգտվելու հնարավորությունները սահմանափակվել են համակարգի դանդաղ աշխատելու հետևանքով

Պետական եկամուտների կոմիտեն տեղեկացնում է, որ վերջին օրերին ՊԵԿ էլեկտրոնային կառավարման համակարգից օգտվելու, ինչպես նաև այն սպասարկելու հնարավորությունները սահմանափակվել են համակարգի դանդաղ աշխատելու հետևանքով: 

ՊԵԿ-ը հայտնում է, որ սերվերային համակարգը հզորացնելու ուղղությամբ կազմակերպվել է մրցութային գործընթաց, և արդյունքներն ամփոփվում են։ Կառավարության կողմից նախատեսվել են անհրաժեշտ ֆինանսական միջոցներ նոր սերվերներ ձեռք բերելու համար։
Այս պահին կոմիտեի մասնագետներն անում են ամեն ինչ առկա կարողությունների սահմաններում համակարգը հնարավորինս անխափան պահելու ուղղությամբ:

ՊԵԿ-ը հայցում է հարկ վճարողների ներողամտությունը՝ պատճառած անհանգստության համար։