Անցնում են էլեկտրոնային կառավարման համակարգի

ԼՂՀ կառավարությունը եւ պետական բոլոր գերատեսչությունները շուտով կանցնեն էլեկտրոնային կառավարման համակարգի. այսօր հայտարարվել է Հայաստանից ժամանած մասնագետների եւ գերատեսչությունների աշխատակազմերի պատասխանատուների հանդիպման ժամանակ:

Ինչպես հայտնում են կառավարության տեղեկատվության եւ հասարակայնության հետ կապերի վարչությունից, հայաստանյան մասնագետների աջակցությամբ կներդրվի Milberry ծրագիրը, որը  ՀՀ կառավարությունում գործում է ավելի քան երկու տարի:

ԼՂՀ տնտեսական զարգացման նախարար Կարեն Եսայանի խոսքերով` ծրագրի ներդրումը կիրականացվի ամենասեղմ ժամկետներում` երկու փուլով` տեխնիկապես եւ  դասընթացների կազմակերպմամբ:  

Կառավարման նոր համակարգին այսօր ծանոթացել են գերատեսչությունների աշխատակազմերի ղեկավարները: