Պուտին-Փաշինյան հանդիպման ավարտին որեւէ փաստաթղթի ստորագրում չի նախատեսվում․ Պեսկով

Այսօր Մոսկվայում կայանալիք Պուտին-Փաշինյան հանդիպման ավարտին որեւէ փաստաթղթի ստորագրում չի նախատեսվում։ Այս մասին լրագրողներին ասել է Ռուսաստանի նախագահի խոսնակը:

Անդրադառնալով հայկական լրատվամիջոցներում շրջանառվող այն լուրերին, թե 2 երկրների ղեկավարները հանդիպմանը կարող են դիտարկել Հայաստանի սահմանին ռուս խաղաղապահների տեղակայման տարբերակներ եւ ստորագրել համապատասխան պայմանագիր, Դմիտրի Պեսկովն ասել է, որ սա իրականությանը չի համապատասխանում:

«Իհարկե, կքննարկվի Արցախի, այնտեղ տեղակայված ռուս զինվորականները եւ ընդհանրապես երկկողմ հարաբերությունները, բայց չի նախատեսվում փաստաթղթերի ստորագրում»,- նշել է Պեսկովը:

Նշենք, որ սա Փաշինյանի արտասահմանյան առաջին այցն է՝ խորհրդարանական արտահերթ ընտրություններից հետո: