Եվրամիության մուտքի արգելքը չեղարկվել է Հայաստանի քաղաքացիների համար

Եվրոպական խորհուրդը որոշեց Հայաստանը ներառել այն երկրների ցանկում, որի քաղաքացիների համար մուտքի սահմանափակումները կարող են չեղարկվել:  Որոշումն ընդունվել է Եվրամիության անդամ 27 երկրի արտաքին գործերի նախարարների հունիսի 30-ի հանդիպման ժամանակ։ Հանձնարարականը ուժի մեջ կմտնի վաղվանից:

Այժմ, երբ ԵՄ կառավարության` Եվրոպական խորհրդի կանաչ լույսն արդեն տրված է, անդամ պետություններն առանձին-առանձին պետք է որոշեն` երբվանից և ինչ պայմաններով են մուտքի վիզա տրամադրում Հայաստանի քաղաքացիներին:

«Եվս 11 երկրի բնակիչները կօգտվեն Եվրոպական Միություն և Շենգենյան գոտու անդամ պետություններ առանց սահմանափակումների մուտքից։ ԵՄ խորհուրդն այս  երկրները ավելացրել է  համաճարակային առումով  անվտանգ երրորդ երկրների ցուցակին,- տեղեկացնում է SchengenVisaInfo.com-ը։:

Ցուցակում ներառվել են հետևյալ երկրները․

1. Հայաստան
2. Բոսնիա եւ Հերցեգովինա
3. Բրունեյ
4. Կանադա
5. Հորդանան
6. Կոսովո
7. Մոլդովա
8. Չեռնոգորիա
9. Կատար
10. Սաուդյան Արաբիա
11. Ադրբեջան

Եվրամիության գործող կանոնակարգով նախատեսվում է, որ ԵՄ տարածք մտնելիս անձը պետք է ներկայացնի կորոնավիրուսի թեստի բացասական պատասխան կամ ԵՄ կողմից հաստատված պատվաստանյութերից մեկով պատվաստումը հավաստող փաստաթուղթ։