«Հայաստան» դաշինքի քարոզարշավի ութերորդ օրվա կարևոր հատվածները

«Հայաստան» դաշինքի քարոզարշավի ութերորդ օրն անցել է Արմավիրի մարզում։ Այն սկսվել է Էջմիածին քաղաքում հրավիրված բազմամարդ հանրահավաքով, որի ընթացքումղ ելույթ են ունեցել դաշինքի անդամներն ու առաջնորդները։

Հանդիպումներ են եղել նաև Մեծամորում, Քարակերտում և Արմավիր քաղաքում, որտեղ առաջնորդները պատասխանել են ընտրողների հարցերին, անդրադարձել մարզի խնդիրներին և դրանց լուծումներին, Մեծամորի ատոմակայանի աշխատանքին։

Նախագահ Քոչարյանը խոսել է նաև քաղաքական սերնդափոխության մասին՝ ասելով, որ արդեն տեսնում է այդ անձին, սակայն ժամանակ է պետք նրան հասունացնելու համար։

Քարոզարշավի այդ օրն ամփոփվել է Երևանի Շենգավիթ վարչական համայնքի Գարեգին Նժդեհի հրապարակում հրավիրված բազմահազար հանրահավաքով։

«Փոխանցեք բոլորին, որ «Հայաստան» դաշինքը գալիս է ուժեղ Հայաստան կառուցելու, գալիս է թռիչքաձև տնտեսական աճ ապահովելու, ձեր կյանքը բարելավելու համար, մեր երկիրն այս անհայրենիք մարդկանցից ազատելու համար»,- հայտարարել է «Հայաստան» դաշինքի առաջնորդ Ռոբերտ Քոչարյանը։