ՏԵՍԱՆՅՈՒԹ. Զանգվածային ծեծկռտուք է տեղի ունեցել Վրաստանի արևելքում՝ ադրբեջանցիների մասնակցությամբ. կան տուժածներ

Մի քանի մարդ վիրավորվել է երեկ Դմանիսում (Քվեմո Քարթլի շրջան) զանգվածային ծեծկռտուքի ժամանակ: Այս մասին հայտնում է Mtavari հեռուստաալիքը:

Ծեծկռտուքին մասնակցել է շուրջ երեք տասնյակ մարդ, որոնցից շատերը զինված են եղել բեյսբոլի դագանակներով, փայտերով ու մահակներով: Ենթադրաբար, ծեծկռտուքին նախորդել է վիճաբանությունը Դմանիսի բնակիչների՝ էկոհմիգրանտների ու Սվանեթիի էթնիկ ադրբեջանցիների միջև:

Իրավիճակն ավելի է վատացել երեկոյան: Առևտրի օբյեկտը, որի մոտ սկսվել է ծեծկռտուքը, թալանվել է:

Ըստ «Մթավարի»-ի՝ առճակատումը շարունակվում է՝ չնայած «պարետային ժամի» սկսվելուն: Դեպքի վայր են ժամանել պարեկային ոստիկանության մեքենաները:

Դմանիսում տեղի ունեցածի մանրամասները հետաքննվում են: Վրաստանի ներքին գործերի նախարարությունից մինչ այժմ պաշտոնական մեկնաբանություններ չեն ստացվել: