Բայդենը կկրճատի ռազմական բյուջեն

ԱՄՆ նախագահ Ջո Բայդենը 7 միլիարդ դոլարով կկրճատի ռազմական բյուջեն: Այս մասին հայտնում է Bloomberg-ը՝ վկայակոչելով աղբյուրներ:

Գործակալության զրուցակիցները հայտնել են, որ նոր ֆինանսական տարում Բայդենը նախատեսում է Պենտագոնին հատկացնել 715 միլիարդ դոլար՝ 722 միլիարդ դոլարի փոխարեն, որը ցանկանում էր ծախսել Թրամփի վարչակազմը: Այնուամենայնիվ, գնաճի պատճառով գումարների իրական տարբերությունը կկազմի ընդամենը 0,4 տոկոս:

Ենթադրվում է, որ ռազմական բյուջեի մի մասըն ուղղվելու է Պենտագոնի շրջանակներում իրականացվող բնապահպանական նախաձեռնություններին: Միևնույն ժամանակ, վերջին 10 տարվա ընթացքում առաջին անգամ 2022 ֆինանսական տարվա բյուջեն չի նախատեսում ռազմական և ոչ ռազմական ծախսերի հստակ բաժանում, ուստի ԱՄՆ Կոնգրեսը կկարողանա պաշտպանական միջոցների մի մասը վերափոխել այլ կարիքների: