Սիրիայի ռազմաբազայում տեղի ունեցած պայթյունի հետևանքով զոհվել է 12 թուրք զինվորական

Սիրիայի ռազմաբազայում տեղի ունեցած պայթյունի հետևանքով 12 թուրք զինվոր է զոհվել ու վիրավորվել: Այս մասին հայտնում է ՌԻԱ «Նովոստի»-ն՝ հղում անելով իր իսկ աղբյուրին:

Նշվում է, որ պայթյունը տեղի է ունեցել Սիրիայի հյուսիս-արևելքում գտնվող Ալ Հասաքե նահանգի թուրքական ռազմաբազայի մոտակայքում:

Երեքշաբթի սիրիական «Ալ Վաթան» թերթը հաղորդել էր, որ թուրքամետ խմբավորումների մի քանի զինյալներ և թուրք զինվորականներ պայթել են հակահետևակային ականների վրա Ռաս ալ Այն քաղաքի մոտակայքում, որը գտնվում է Թել Թամր քաղաքից 38 կիլոմետր հյուսիս-արևմուտք:

Դեպքը տեղի է ունեցել միջազգային M4 մայրուղու մոտակայքում՝ Ռեյխանանիա գյուղի մոտ։ Տեղական աղբյուրների համաձայն՝ արդյունքում մի քանի թուրք զինվորներ են զոհվել: