Ռուսաստանի և ԱՄՆ-ի առճակատումը հասել է հատակին. Լավրով

Ռուսաստանի և ԱՄՆ-ի առճակատումը հասել է հատակին. հայտարարել է  Ռուսաստանի արտգործնախարար Սերգեյ Լավրովը: Այնուամենայնիվ, նա հույս է հայտնել, որ Վաշինգտոնում խոհեմությունը դեռ կգերակշռի:

«Մի կողմից առճակատումը հասել է հատակին: Մյուս կողմից՝ խորքում հույս կա, որ բոլոր մարդիկ չափահաս են և հասկանում են այն ռիսկերը, որոնք կապված են  լարվածության հետագա սրման հետ»,- ռուսական Առաջին ալիքի «Մեծ խաղ» հաղորդման ժամանակ հայտարարել է ռուս դիվանագետը:

Լավրովը հույս ունի, որ խոհեմությունը գերակշռելու է, բայց մինչ այժմ Սպիտակ տան կողմից ընտրված գիծը հաջողության հնարավորություն չի տալիս:

«Ես չէի ցանկանա որևէ կերպ նկարագրել, թե ինչ են զգում ամերիկացիները Ռուսաստանի Դաշնության նկատմամբ: Եթե նրանց հայտարարություններում մենք թշնամի ենք, մրցակից կամ հակառակորդ, ցանկություն կա մեզ մեղադրելու իրենց անխոհեմ քաղաքականության հետևանքների մեջ, ապա լուրջ խոսակցություն դժվար թե տեղի ունենա»,- հավելել է ՌԴ ԱԳ նախարարը: