ՀԱԷԿ-ի՝ 141 օրով փակ լինելը փաթեթավորել որպես սակագնի նոր բարձրացման գործոն՝ կարծում եմ՝ օբյեկտիվ չէ․ Թադևոս Ավետիսյան. ArmDaily.am

 Տնտեսագետի դիտարկմամբ՝ էներգետիկ ռեսուրսների թանկացումը մեր նման երկրի համար, որտեղ չկան էներգետիկ ռեսուրսներ՝ նավթ և գազ, որտեղ դրանք հիմնակաում ներկրվում են, այո, ունենալու են տնտեսական հետևանքներ։ «Ցանկացած բարձրացում ունենալու է նաև սոցիալական հետևանքներ, իսկ գները ինչ-որ պահի բարձրանալու են նաև բնակչության համար։ Մինչդեռ, այդ պարագայում բնակչությունը կսկսի ավելի շատ ծախսել կոմունալ վճարումների վրա, իսկ այդ ծախսերի ավելացումը, միանշանակ, բերելու է սոցիալական ապահովման նվազման, քանի որ բնակչության միջին եկամուտները վերջին շրջանում նվազման միտում ունեն, օրինակ, 2020 թ-ին անվանական աշխատավարձը նվազել է 4 տոկոսով։ Նվազում են եկամուտները, իսկ գները բարձրանում են»։