Էրդողանը Դամասկոսին մեղադրել է Թուրքիայի Քիլիս նահանգը հրթիռակոծելու մեջ և խոստացել պատասխանել

Թուրքիայի նախագահ Ռեջեփ Թայիփ Էրդողանը սիրիական զինված ուժերին մեղադրել է Թուրքիայի Քիլիս նահանգը հրթիռակոծելու մեջ:

Թուրքիայի պաշտպանության նախարարությունը նախօրեին հայտարարել էր Սիրիայից հրթիռային հարձակման մասին Թուրքիայի Քիլիս նահանգի վրա: Զոհեր չեն եղել։ Թուրքիան ռուսական կողմին տեղեկացրել է միջադեպի մասին:

«Երեկ Քիլիսը խոցած հրթիռները արձակվել են ռեժիմի կողմից (Բաշար Ասադի), և մենք պատասխանել ենք այնպես, ինչպես պետք է պատասխանեինք: Այս հարձակումներն անընդունելի են, մենք դրանց պատասխանել ենք և կպատասխանենք բազմակի ուժով»,- լրագրողներին ասել է Էրդողանը:

Հիշեցնենք, որ Սիրիայի օրինական՝ Բաշար Ասադի իշխանությունը վայելում է ՌԴ ռազմաքաղաքական աջակցությունը։